Lapulapu city police andam mohatag seguridad sa tanan sa Valentine's Day

Lapu-Lapu City (February 4) -- Sama sa ordinaryong adlaw, sa umaabot nga Valentine's Day, andam kanunay ang kapolisan sa syudad sa Lapu-Lapu sa paghatag seguridad sa mga managhigugmaay nga mosaulog sa Valentine's Day sa maong syudad.

Kini maoy gibutyag ni PSupt. Louie Oppus nga mas mahimo pa unyang epektibo ang iyang mga sakop human ang kagamhanan sa syudad nihatag na'g dugang duha ka sakyanang Toyota Innova sa Lapu-Lapu City Police.

Niingon sab si Oppus nga gawas sa kapolisan, upat ka tuig na sab nilang gipatuman ang panagtambayayong sa mga estudyante og mga ginikanan nga boluntaryong niatbang sab pagbantay sa kalinaw sa Lapu-Lapu. Usa ka paagi nga giisip ni Oppus nga dako og gikatabang pagpakunhod pag-ayo sa mga krimen nga nahitabo sa syudad sa Lapu-Lapu. (PIA Cebu/RMC)

Pagibig midala'g gugma sa Bohol

Cebu City (February 4) -- Malipayon kaayo ang mga taga-Bohol nga miyembro sa Pag-ibig Fund human nibisita ang mga opisyales sa Pag-ibig Fund sa ilang probinsiya.

Labi na nga sa unang higayon, gi-process og gi-release ang mga tseke sa multipurpose loans sa Pag-ibig Fund didto mismo sa Tagbilaran atol sa offsite caravan nga gihimo sa nahisgutang buhatan sa Bohol.

Gibutyag ni Dale Mark Antonio, tigpamaba sa Pag-ibig Fund Cebu North kagabii sa paghinabi ning tigbalita, nga hapit tres cientos ka mga Boholano nga miyembro sa Pag-ibig Fund ang nakadawat dayon sa ilang mga tseke sa multipurpose loans didto mismo sa site diin nagpahigayon ang Pag-ibig sa ilang labing unang caravan sa Bohol nga nagsugod niadtong petsa biente nueve og natapos sa niaging Sabado.

Matud ni Antonio, ang maong kalihukan pagasundan pa sa lain na sab nga offsite caravan sa katapusang mga adlaw matag bulan ning tuiga. (PIA Cebu)

Durano: Cebu int'l airport needs to expand

Cebu City (8 February) -- Tourism Secretary Joseph "Ace" Durano bared the urgent need for the expansion of the Mactan Cebu International Airport in order to accommodate the increasing tourist arrivals coming to Cebu.

Durano in a recent forum said passenger traffic at the Cebu airport is growing over 20 percent year after year so the need to expand the airport and its facilities is very necessary especially as Cebu is the top favored foreign tourist destination in the country today.

Cebu leaders need to address this concern to sustain and accommodate the growth of the volume of passengers making Cebu the entrance and exit gateway of air travel, this is said.

Last year, of the total 3.09M foreign tourists that visited the Philippines, 748T came to Cebu which emerged as the number one vacation haven followed by Misamis Occidental with 526T visitors. Third most visited place by foreign travelers was Baguio City with 441T while Boracay came in fourth, the Department of Tourism (DOT) data showed.

The tourism chief said his greatest fear is that if this is not address and the bulk of tourist arrivals get bigger every year, the lapse of infrastructure development will certainly affect the tourism growth of the country.

Cebu can compete with Malaysia, Hongkong and Singapore as an international tourist destination but that it lacks direct flights coming in, disclosed the DOT secretary.

Durano meanwhile, disclosed that the downgrading of the country's international airports as not having met the safety standards of the Federal Aviation Authority (FAA) will not affect US-RP air routes.

There are 58 flights per week from the Philippines to the US and vice versa with a total of 900T air seats a year while the DOT's 2008 target quota for American travelers is 640T US visitors, which makes it more than sufficient when it comes to capacity, according to Durano.

What is important is that there is needed government interventions in upgrading the country's international airports as we at the DOT continues to work with air carriers to include the Philippines in their flight destinations, Durano claimed.

Although Durano defended the Air Transportation Office (ATO) after receiving flak due to the FAA downgrade saying that the agency may not be good enough for the FAA standards but is good enough for other nations. "ATO needs to improve but it is not lousy," Durano pointed.

Durano on the other hand, expressed his dismay over the non-membership of the DOT in the proposed Civil Aviation Authority (CAA) as its membership in the body is just logical.

Durano said he could not understand why the DOT was overlooked in the creation of membership and instead had members from the DOLE and the DILG in the proposed body.

In the national tourism bills, we are going to push for the amendment to incorporate the membership of the DOT in the proposed CAA, Durano stressed.

This coming October 21 to 25, at least 400 members of Congress from at least 100 countries around the globe will converge in Cebu for the 6th United Nations World Tourism Organization (WTO) Forum. (PIA-Cebu/FCR)

Global recognition sa Coral Triangle, gikalipay sa BFAR 7

Cebu City (8 February) -- Gikalipay sa mga taga–Bureau of Fisheries and Aquatic Resources (BFAR) Central Visayas ang dakong atensyon nga gihatag sa mga magpapatigayon sa tibuok kalibutan sa coral triangle nga gilangkuban sa kadagatan sa silangang bahin sa Indonesia, Malaysia, og Pilipinas.

Lakip sab sa coral triangle ang kadagatan sa Papua New Guinea, Timor Leste og Solomon Islands.

Matud ni Tiburcio C. Donaire, hepe sa Fisheries Extension Training and Communication sa BFAR 7, ang awhag sa world economic leaders nagpakita lang nga importante sa panginabuhi sa katawhan sa kalibutan ang pagpreserbar sa lugar diin nahimutang ang pinakaabundang kadagatan sa kalibutan.

"Of course yes, dako kaayo ni'g papel sa pagpreserbar sa flora and fauna sa biodiversity sa coral triangle."

Dinhi sa Central Visayas aduna say gideklarar nga coral triangle nga gilangkuban sa kadagatan sa Bohol, Negros Oriental og Sugbo lakip na sa Siquijor.

Matud ni Lourdes Arciaga, tigpamaba sa BFAR sa pinakaulahi nilang pagsusi sa coral triangle nag-anam na og kadaghan ang mga itloganan sa isda kon coral reefs sa nahisgutang lugar.

Nidugang sab si Arciaga pag-ingon nga ang mga coral reefs importante alang sa mga isda og uban pang mga nilalang sa dagat.(Roberto M. Cabardo/PIA 7 Cebu)

Mahinumduman nga ang mga negosyante nga nitambong sa world economic forum nihangyo kang Presidente Gloria Macapagal-Arroyo sa pagpabiling limpiyo og luwas alang sa mga isda og ubang produkto sa dagat ang coral triangle. (PIA Cebu/RMC)

Anti-frat o gang wars giumol sa Cebu City police

Cebu City (6 February) -- Inihap na lang ang adlaw sa mga salbahis nga miyembro sa fraternities sa Sugbo.

Kini human unya makumpleto ang mga grupo sa mga pulis nga molangkub sa Anti-Frat Wars og Street Violence sa Cebu City Police Office.

Sayo karong buntag, namahayag si Cebu City Police Senior Superintendent Patrocinio Comendador nga ang maong task force panguluhan nila ni Senior Inspector George Ylanan og Inspector Juanito Pajantoy.

Kung mahinumduman, ang kapolisan gihangyo sa mga negosyante sa dakbayan sa pagpuhag sa mga gang og fraternities nga naghatag kaguliyang og hinungdan sa mga patay og pagparegla nga nahitabo sa nagkalain-laing lugar sa dakbayan.

Ang mga negosyante ilabi na ang mga nagsalig sa turismo nityabaw tungod kay ang mga frat wars sa syudad nihatag na man og kahadlok sa pipila ka turista og mamuhunan sa pagbisita sa Sugbo.

Sa nasayran, sobra sa usa ka gatos ka mga pagpamatay nga nahitabo sa Sugbo naglambigit sa frat wars og mga vigilante style killings nga nahitabo sa Sugbo sukad pa niadtong dos mil saez.

Sa iyang panapos nga pamahayag, niawhag si Comendador sa mga ginikanan pagpadayon sa ilang pagmonitor sa ilang mga anak.

Base sa panukiduki sa mga sociologists, ang pagdagsang sa frat og gang wars nagpakita sa kapakyas sa mga ginikanan paghatag atensyon sa ilang mga anak og nagpaila lang kini sa krisis sa mga pamilya sa usa ka lugar.

Ang mga frat wars naglambigit sa mga sakop sa AKRHO og Tau Gamma ingon man Crips og Bloods nga giingong mao ra gihapon nga mga grupo. (PIA Cebu/RMC)

OWWA 7 mohatag scholarship sa mga OFWs

Cebu City (February 6) -- Ang Overseas Workers Welfare Administration (OWWA) dinhi sa tunga-tungang Kabisay-an nag-awhag karon sa mga Overseas Filipino Workers nga mo-avail sa skills scholarship training program sa maong buhatan.

Sa nasayran, ang mga OFWs dinhi sa Central Visayas wa pa kaayo mahibalo kabahin sa nahisgutang programa.

Matud ni Maria Venidez Dayo, ang skills scholarship training program sa OWWA adunay kapin katorse mil (P14,500) nga kantidad nga madawat sa matag scholars.

Gipahibalo hinuon ni Dayo nga kadtong ubos sa katorse mil kinyentos ang kantidad sa skills training scholarship sa usa ka OFW bayaran lang sa OWWA sa eksaktong kantidad sa scholarship.

Kadtong mga OFWs nga interesado giawahag ni Dayo pagbisita sa ilang buhatan diha sa kanhi Amway Building duol sa Plaza Independencia o kaha pagtawag sa telepono 254 3199 og 2540305 alang sa dugang kasayuran. (PIA)

PNP Cebu di modugang og pulis sa Valentine's Day

Cebu City (6 February) -- Normal lang ang deployment sa kapolisan sa dakbayan sa Sugbo sa Valentines Day.

Kini maoy gibutyag ni Senior Superintendent Patrocinio Comendador Cebu City police Director karong buntag.

Matud ni Comendador wa siya kakitag panginahanglan pagdeploy og dugang polis sa maong adlaw kay lovers day man kini og gilauman niyang way kagubot nga mahitabo sa maong adlaw.

Ang dakbayan sa Sugbo, usa sa lugar sa nasod diin daghan ang mga managhigugmaay nga mosuroy sa Valentine's Day kauban ang ilang mga minahal.

Gipaabot sab nga makasinati ang katawhan og kahuot sa trapiko ingon man mga resorts, kan-anan, hotels og mga motels sa dakbayan atol sa giingong adlaw sa mga managhigugmaay. (PIA Cebu/RMC)