Thursday, May 31, 2007

PAHIMANGNO BATOK SA “TEXT SCAM”

Ang publiko gipahimangnoan nga magbantay nga dili mabiktima sa “Text Scam Messages” nga gipadala sa mga tawong nagpahimulos sa mga inosenteng subscribers nga sila nakadaug ug premyo gikan sa mga telecommunication companies sama sa Globe, Smart ug Sun, ug mga ahensya sa gobyerno sama sa PAGCOR, PCSO, BANGKO SENTRAL SA PILIPINAS, ug uban pa, mga foundations sama sa ABS-CBN Foundation, GMA 7 Foundation, ug daghan pa.

Ang mosunod maoy mga timailhan nga ang mensahe usa ka “text scam”:

  1. Ang text message gikan sa ordinaryong 11-digit numero sa cellphone (e.g. 0917xxxxxxx; 0919xxxxxxx; 0920xxxxxxx ug uban pa).

  1. Ang mga nakadaug pangayoan ug kuwarta, padepositohon sa bangko para pangbayad sa VAT, buhis, ug uban pa. Magbalhin sa kuwarta sa bisang unsang rason o hinungdan ngadto sa bisan kinsang tawo, o magpadala ug prepaid load para kondisyon sa pagkuha sa premyo.

  1. Ang subscriber nakadaug bisan wala moapil sa bisan unsa nga promo o raffles.

  1. Usa ka binuang nga tawag o text ang ipadala para makapangayo ug kwarta sa bisag unsa nga hinungdan ug kasagaran giapilan ug usa ka higayon nga dinalian (usa ka emergency sama sa usa ka miembro sa pamilya nga naospital o naaksidente).

Kay ahensya sa gobyerno nga tinugyanan sa pag-regulate sa industriya sa telecommunications, ang NTC nagpabilin nga magbalantay sa mga illegal nga mga text messages.

No comments: