PIPILA KA BARANGAY SA CV, POSIBLENG WAY MAPILI NGA OPISYAL

Cebu City (October 25, 2007) – Gipaabot nga adunay mga barangay sa tunga-tungang Kabisay-an ang dili makabaton og mga kapitan og SK Chairman human gibutyag sa COMELEC Central Visayas nga adunay mga kandidato nga sayop ang porma sa certificate of candidacy (COC) nga gigamit.

Matud ni Cebu City North District Election Supervisor Marchel Sarno, pipila niadtong mga nasayop mao ang taga barangay Malubog, Lusaran, og pipilka usab sa barangay sa dakbayan sa Lapu-Lapu og Negros Oriental.

Si Sarno nagkanayon usab nga kadtong mga kandidato nga nigamit og dili mao nga porma sa certipiko de candidatura nga gigamit, pwedeng madiskwalipikar. Gani niingon usab si Sarno nga ang ang pagkasayop moresulta lamang sa dili unya pag-ihap sa boto nga makuha sa maong kandidato.

Wa hinuon isalikway ni Sarno nga posible usab nga malwestiyon ang mga tinugyanan sa COMELEC nga naghatag sa sayop nga porma sa mga kandidato.

Sa pagkakaron, gipaabot nga moduso ang mga nasayop nga kandidato sa ilang petition sa COMELEC Law Department aron makorihian ang ilang mga certipiko de kandidatura.(Roberto M. Cabardo/PIA AMO 7 Cebu)