Ang pangulo mipalusad sa maong kamandu-an atol sa ika-50 nga anibersaryo sa nahisgutang ahensya kagahapon.
Isip kabahin sa social payback sa mga reporma nga gihimo sa gobyerno, ang presidente namahayag nga ang condonation sa penalidad ug pag-restructure sa housing loans naka-benepisyo na sa kapin 6,000 nga mga miyembro sa SSS.
Sa nanglabay nga pipila ka tuig, ang SSS, ug ang ubang ahensya nga gitugyanan pagpanukot ug buhis, nag-implementar ug nagkalain-lain nga mga reporma nga diin mi-resulta ug taas nga koleksyon.
Hinungdan niini, matud sa presidente, mitubo ang mga asset sa SSS ngadto sa P248 billion ug ang iyang investment income sa milabay nga unom ka buwan miabot na ug P15.58 billion.
Kabahin sa gasa ngadto sa mga Pilipino nga mga mamumu-o nunot sa anibersaryo, ang presidente miingon nga ang SSS mipausbaw sa pension sa iyang mga miyembro makaduha na sa naglabay nga 12 ka buwan, 10 porsyento sa milabay nga Septembre sa miagi nga tuig ug laing 10 porsyento sa milabay lang nga buwan.
Miaghat usab ang presidente ngadto sa SSS pagpalapad sa iyang membership lakip na ang mga OFWs, labi na kadtong mga manakayan ug barko, ingon man ang plano pag-amendar sa Charter sa ahensya ug ang pag-institutionalize sa actuarial standards ug mga formula.
Gipasalamatan sa presidente ang nahisgutang buhatan tungod sa paghatag niini ug P1 bilion isip special window alang sa micro, small and medium enterprises (MSMEs) diin, matud niya, dunay daku nga natampo paghatag ug trabaho sa nasud.
Ang presidente mipahalipay kan SSS President Corazon de la Paz isip una nga babaye nga Asyano nga nangulo sa International Social Security Association (ISSA). (ECD/PIA 7)
No comments:
Post a Comment