Cebu City (June 5, 2007) – Malinawon ang pagbukas sa klase sa mga publikong tunghaan kagahapon. Kini maoy gibutyag sa hepe sa Police Regional Office 7, Chief Superintendent Silverio Alarcio Junior.
Matud ni Alarcio, base sa iyang pakighinabi sa mga hepe sa nagkalainlaing kwerpo sa kapolisan, way kagubot nga nahitabo kagahapon sa mga tunghaan.
Apan aron pagseguro nga magpadayong malinawon ang pagpahigayon sa klase sa mga estudyante sa rehioyn, gihangyo ni Alarcio ang katawhan ilabi na gyud ang mga ginikanan sa pagtabang paghatag seguridad sa ilang mga anak og dili lang magsalig sa kapolisan. (Roberto M. Cabardo/PIA AMO 7 Cebu).
No comments:
Post a Comment