Monday, July 23, 2007

AGIO 7 MITOO SA MGA SONA NI PGMA

Cebu City (July 24, 2007) – Ang State of the Nation Address ni Presidente Gloria Macapagal-Arroyo , niani og pagdayeg gikan sa Association of Government Information Officers dinhi sa Kabisay-an.

Matud ni Dale Mark Antonio, presidente sa AGIO 7 niaprubar siya sa mga pamahayag ni Presidente Arroyo sa iyang SONA kagahapon tungod kay nakita man niya nga sakto lang og on schedule ang mga proyekto nga gi-implementar sa nasod sama sa superregions nga dako kaayo og nahimo dinhi sa Central Visayas.

Dugang niini, ang bise presidente sa AGIO 7 Josephine “Jojo” Layco, naka-obserbar usab nga sukwahi sa niaging tuig nga SONA, ang pamuno nasod wa na kaayo mohan-ay sa iyang mga plano sa mga mosunod nga tuig kon dili mga pamahayag na lang sa kung unsay nakab-ot sa iyang administrasyon sa niaging tuig.

Naglaum sab si Layco nga maimplementar pa gyud og maayo ang mga proyekto sa presidente labi na sa agrikultura.

No comments: