Tuesday, July 31, 2007

NNC MIPASIDUNGOG SA MGA R7 LGU’s

Cebu City – Sa pagpupos sa National Nutrition Month niadtong Biyernes, nangharos og mga pasidungog ang mga probinsya og pipila ka mga lungsod sa Bohol.

Nidawat isip outstanding province nga nag-implementar og maayong programa sa nutrisyon ang probinsya sa Bohol.

Samtang ang mga lungsod sa Bohol nga niani sab og pasidungog mao ang Garcia Hernandez isip outstanding municipality sa nutrition program samtang ang lungsod sa Inabanga og Calape maoy nidawat sa national nutrition maintenance award.

Dinhi sa Sugbo ang nidaug mao ang Danao City nga usa sa syudad nga nidawat sa pinakataas nga award nga madawat sa usa ka local government unit, nga mao ang National Honor Maintenance Award.

Ang Danao City nasayrang nidaug sa ilang nutrition program, unom ka tuig na sa pagkakaron.

Samtang ang Mandaue City, gipasidunggan sab nga maoy syudad isip consistent regional winner in nutrition kon CROWN Award tungod sa pagsige og kadaug niini, tulo ka tuig na pagkakaron.

Ang syudad sa Lapu-Lapu nidawat sab sa ilang unang pasidungog isip maoy outstanding city sa nutrition programs ning tuiga.

Samtang sa Negros Oriental, ang lungsod sa Pamplona mao ang nidawat sa award isip outstanding municipality tungod sab sa ilang nutrition program.

Nasayran nga pipila sa gibasehan nga criteria sa award mao ang pagmenos sa malnutrition sa nahisgutang mga lugar. Lakip sa gibasehan mao ang epektibo og maayo nga pag-implementar sa pito ka kategoriya sa nag-unang programa sa nutrition nga gihingusgan karon sa kagamhanan.

Kini naglangkub sa food production, food security, home og community nutrition programs, micronutrient supplementation, food fortification o ang pagbutang og mga bitamina og mirales sa mga pagkaon nga naunang way gibutang nga bitamina og minerals, information-education-communication campaign, food and livelihood assistance, og ang maternal og child health care programs.

Ang mga mananaug nidawat og tropiyo ingon man plaque of recognition.

Matud ni Letlet Mission, Regional Coordinator sa National Nutrition Council sa Central Visayas, ang rehiyon nasayrang nimenos ngadto sa onse porsiyento karong tuiga gikan sa trese porsiyento sa niaging tuig.

Gilauman ni Mission nga ang syudad og probinsya sa Sugbo modaug na gyud sunod tuig. Matud niya, ang programa sa syudad niabot na sa kabarangayan apan kulang lang kini sa proper documentation o kaha sa lig-on og konkreto nga implementasyon sa nutrition programs sa barangay level.(Roberto M. Cabardo/PIA AMO 7 Cebu)

No comments: