PNP MAGRED ALERT TUNGOD SA AMM

Cebu City (July 18, 2007) – Gipaabot nga ibutang ang kapolisan tibuok nasod og dinhi sa rehiyon sa red alert agig pagpangandam alang sa ASEAN Ministerial Meeting nga ipahigayon sa kauluhan sa katapusang bahin ning bulana.

Ang maong panagtigum, giisip sa kapolisan nga di hinuon kaayo lisod kung itandi sa ikadose nga ASEAN Summit dinhi sa Sugbo niadtong bulan sa Enero.

Gipasalig sab sa hepe sa kapolisan sa nasod, Police Director General Oscar Calderon nga himoon nila ang tanan aron lang masegurong luwas ang mga motambong sa tigum.

Si Calderon nipadayag sab sa iyang pagsalig nga mahimong malamposon ang ASEAN Ministerial Meeting nga ipahigayon sa PICC sa kauluhan duha ka semana gikan karon. (Roberto M. Cabardo/PIA AMO 7 Cebu)