Monday, July 23, 2007

LAMPPOST WHISTLEBLOWER MISUGYOT UNSAON PAGBATOK SA KORAPSYON

Cebu City (July 24, 2007) - Sa iyang bahin, ang ASEAN Summit lamppost scam whistleblower, Cris Saavedra, nihulagway nga bisan tuod og gipasalig ni Presidente Gloria Macapagal-Arroyo ang pagpahunong sa pangurakot sa mga buhatan sa kagamhanan, giisip kini niya nga imposible nga makab-ot kung way political will ang mga namunuan.

Niingon sab si Saavedra nga sa iyang personal nga panglantaw, nagkagrabe ang pangurakot karon sa mga buhatan sa kagamhanan tungod kay magpakabuta ra man ang mga namunuan kung ang giakusahan nga kurakot ilang kapartido.

Nanghinaut hinuon si Saavedra nga ang kagamhanan magmatinud-anon sa kampanya batok sa korapsyon pinaagi sa pagsilot sa mga kurakot, kapartido man o oposisyon og sa pagtudlo sa mga ligdong og kwalipikado nga mga tawo nga makigbisog batok sa mga kurakot og nagbinuang nga mga government officials og dili tungod sa politikanhong rason.

No comments: