NSO 7 MILAUM NGA MOLAMPOS ANG POPCEN 2007

Cebu City (July 19, 2007) – Bisan pa man sa mga problema og kontrobersiya nga naglambigit sa rehiyonal nga buhatan sa NSO, gilauman ni National Statistics Office regional director Attorney Lilia Tandoc nga way masugatan nga problema ang pagpahigayon sa Census sa populasyon karong sunod bulan.

Matud ni Tandoc, padayon na karon nga gibansay-bansay ang duol tres mil cingko ka mga enumerators nga maoy mosuroy sa kabalayan og mokutlo sa mga importanteng impormasyon bahin sa gidaghanon og kahimtang sa katilingbang Pilipino dinhi sa Kabisay-an sugod Agosto uno hangtud biente nueve.

Ang census importante aron sakto og haum nga mga plano sa pagpalambo ang mahatag sa katawhan.

Gihangyo sab ni Tandoc ang mga sakop sa media sa paghinay-hinay sa paghatag og iresponsable nga komentaryo bahin sa ilang buhatan. Tungod kay matud niya, puno sa trabaho ang mga empleyado sa NSO human tanang motrabaho og moeskwela gimanduan na man pagkuha og papeles nila sa NSO.(Roberto M. Cabardo/PIA AMO 7 Cebu)