Wednesday, August 15, 2007

MGA TRABAHUAN SA NASOD, NAGPABILIN GIHAPONG DI LUWAS

Cebu City (August 15, 2007) – Aduna gihapoy dili luwas nga mga trabahuan alang sa mga mamumuo sa nasod.

Kini maoy gibutyag sa hepe sa Occupational Safety and Health Center sa Labor Department nga nakabase sa kauluhan.

Matud ni Estrella Gust, executive director sa Occupational Safety and Health Center, ila karon nga gipaningkamutan nga mahimong luwas ang mga trabahuan sa nasod pinaagi sa pagtudlo sa mga human resource departments nga mohimo og safety and health committee sa mga kompaniya ingon man mga es.

Nidugang sab si Gust pag-ingon nga gipaabot nga makab-ot kining maong tinguha pinaagi sa pinakunang Visayan Summit on Occupational Safety and Health nga ipahigayon karong Oktubre onse og doce karong tuiga.

Sa pagkakaron, aduna nay sobra at res cientos ang nirehistro alang sa maong summit nga ipahigayon sa Marco Polo Hotel dinhi sa Sugbo.(Roberto M. Cabardo/PIA AMO 7 Cebu/MBCN)

No comments: