Friday, August 10, 2007

TOLEDO CITY MO-DEVELOP OG BAG-O NGA TOURISM SITES

Cebu City (August 9, 2007) – Gawas sa agrikultura, gitinguha na sab karon sa syudad sa Toledo ang pagpalambo sa bag-o nga mga lugar nga pwedeng makadani sa mga turista nga mobisita unya sa maong lugar.

Pipila niini, matud ni konsehal Alfonso Mercado, mao ang pagdevelop sa sapa sa Hinulawan og sa dam sa barangay Malubog.

Matud ni Mercado, sa maong paagi mahatagan og higayon ang mga mobisita sa Toledo City sa pagsuroy-suroy ngadto sa nahisgutang mga lugar samtang makahatag usab og dugang trabaho alang sa ilang mga lumulupyo.

Sa pagkakaron, padayon pa ang kagamhanan sa Toledo sa pagpahigayon og pulong-pulong kauban ang mga national agencies sa kagamhanan og pribadong sector bahin niini. (Roberto M. Cabardo/PIA AMO 7 Cebu)

No comments: