Tuesday, October 16, 2007

Cebuano News: DOLE 7 modawat na'g donasyon alang sa child laborers

Cebu City (12 October) -- Padayon na karon nga nagdawat sa mga donasyon ang buhatan sa Department of Labor and Employment dinhi sa tunga-tungang Kabisay-an alang sa regalo sa mga batang trabahante o child laborers dinhi sa rehiyon.

Ang programa sa labor department nga gitawag og Angel Tree Project gilusad sa niaging semana.

Ubos sa maong proyekto, ang mga batang nagtrabaho hatagag higayon nga mosab-it sa iyang gustong madawat nga regalo karong singabot nga pasko.

Base sa impormasyon sa usa sa mga opisyal sa DOLE 7 nga si Yalyn Gachalian, ang maong programa gilusad aron mahatagan sa ilang gipangandoy nga madawat ang mga batang wala na sa eskwelahan kay nitabang na lang sa pagpanginabuhi alang sa ilang mga pamilya.

Base sa nasayran, ang sektor sa agrikultura pa gihapon ang nag-una karon nga mipatrabaho og daghang kabataan sa nasod bisan pa man sa balaod nga nagdili niini. (PIA Cebu/RMC)

No comments: