Tuesday, October 16, 2007

DENR mopasusi sa kabaho sa SRP

Cebu City (October 9) -- Tungod sa padayong nasinati nga kabaho sa hangin nga nahanggab sa lumulupyo nga duol sa South Reclamation Area, giplanohan karon sa Department of Environment and Natural Resources kon DENR ang pagpasusi sa hinungdan sa kabaho sa maong lugar nga nakaapekto sa mga residente ingon man sa mga estudyante sa mga unibersidad og uban pang mga eskwelahan sa Sugbo.

Sayo karong buntag sa interbyu ning tigbalita, namahayag si Ed Llamedo, ang tigpamaba sa DENR nga posibleng magpadala sila og technical team sa ilang buhatan sa Environmental Management Bureau diha sa maong lugar aron mosusi unsa ang hinungdan sa kabaho.

Gidudahan hinuon ni Llamedo nga ang inagos gikan sa mga basura ang posibleng hinungdan niini. (PIA Cebu/RMC)

No comments: