Tuesday, October 30, 2007

Gisaulog sa PAF-TOC ang ilang anibersaryo

Cebu City (25 Oktubre) -- Ang Philippine Air Force – Tactical Operations Command (PAF-TOC) base sa Mactan, Cebu misaulog sa ilang "9th foundation anniversary" niadtong Oktubre 15, 2007.

Ang tema sa ilang anibersaryo mao ang "TOC: Total outpouring commitment to an A.C.T.I.O.N. Air Force." Adunay gipahigayon nga mga aktibidades ang paf sa pagsaulog sa ilang anibersaryo.

Mihimo sila ug "operation-linis" didto sa Sangi Road, Brgy. Pajo sa siyudad sa Lapu-Lapu ug nipahigayon usab sila ug sportsfest sulod sa Mactan Airbase.

Mitambong usab si Ltgen Horacio S Tolentino AFP, commanding general, PAF, nga maoy halandong bisita sa ilang pagselebrar sa anibersaryo, adunay gipanghatag nga awards ngadto sa ubang mga opisyales sa PAF.

Si BGen Nicomedes B Corpuz Jr AFP, commanding officer PAF-TOC base dinhi sa Mactan mipahayag kung unsa ka importante ang commitment dinha sa pagserbisyo isip usa ka myembro sa PAF.

Malamposon kaayo ang ilang pagsaulog niini nga gitapos sa usa ka boodle fight. (PIA-7/HFG)

No comments: