Wednesday, October 17, 2007

CPPO MIHATAG ULTIMATUM PAGSIKOP SA RAPE-SLAY SUSPECT

Cebu City (October 17, 2007) – Ang Cebu Provincial Police Office nihatag na og tagal sa kapolisan sa Danao City hangtud sa katapusan ning bulana pagsikop sa giingong rapist og killer nga si Warlito Waway Toledo.
Sa interbyu ning tigbalita kagahapon, niingon si CPPO Director Senior Superintendent Carmelo Valmoria nga ang gimandoan na niya ang kapolisan sa Danao sa pagseguro og dakop ni Waway sulod lang ning bulana.
Kung mahinumduman, pipila na ka semana nga ang mga lumulupyo sa lungsod sa Liloan, Compostela og silingang mga dapit, naukay sa taho nga adunay rapist og serial killer nga manuktok sa kabalayan og molugos dayon sa mga moabli sa iyang lugar.
Niingon hinuon si Valmoria nga sukwahi sa kahadlokang balita, si Waway aduna lay usa ka kaso sa pagpanglugos samtang wa pay gi-file nga kaso sa pagpatay batok sa nahisgutang kriminal.
Giawhag huinuon ni Valmoria ang publiko sa pagreport dayon sa kapolisan kung ilang makit-an ang maong kriminal sa ilang dapit nga giingong ania pa sa Sugbo. (Roberto M. Cabardo/PIA AMO 7 Cebu)

No comments: