Cebu City (12 October) -- Usa ka dakong lugar bakasyunan og golf course ang gikatakdang tukoron sa lungsod sa Medellin sa bulan sa Nobyembre.
Ang maong investment site giplanohang tukuran og duol dos cientos ka mga mahalong balay og golf course nga mahimutang sa barangay Lamintac Sur og Lamintac Norte sa Medellin nga mokabat sa otsenta ektarya ang gilapdon.
Mao kini ang gibutyag sa hepe sa planning and development council sa Medellin nga si Giles Anthony Villamor sa paghinabi ning tigbalita kagabii.
Matud ni Villamor gikalipay kaayo ni Mayor Ricardo Ramirez ang maong kalambuan.
Nidugang sab siya pagbutyag nga sa pagkakaron ang Medellin aduna nay Retirement Village nga sagad gipuy-an karon sa mga Koreano.
Gitaho sab niya nga ang ilang lungsod kanunay na karon nga bisitahon sa mga Koreanong turista nga nalingaw gayud sa Sugbo labi na sa Medellin.
Kung mahinumduman, si Presidente Gloria Macapagal-Arroyo nagtinguha gayud nga mahimong sentro sa turismo ang Sugbo nga maghatag sab og higayon sa paglambo sa ubang dapit sa Kabisay-an. (PIA Cebu/RMC)
No comments:
Post a Comment