Tuesday, October 16, 2007

PGMA mipirma'g mando alang sa DND/NDCC

Cebu City (October 9) -- Gawas sa local government officials, makahimo na sab pagpasuspenso sa klase sa elementarya, high school og sa kolehiyo ang pinakataas nga opisyal sa Departamento sa depensa og disaster council.

Si Presidente Gloria Macapagal-Arroyo nipirma sa niaging bulan sa Administrative Order 196 nga naghatag og gahum sa Secretary sa Department of National Defense nga mao sab ang chairman sa National Disaster Coordinating Council sa pagsuspenso sa klase sa panahon sa katalagman.

Matud sa pamuno nasod, si defense secretary and ndcc chair Gilbert Teodoro gihatagan sab niya og katungod pagmando sa mga hingtungdan pagpaghigayon sa suspension sa klase sa mga katalagman sama sa baha, bagyo, linog, og uban pa.

Kining maong kamanduan, gihangop usab sa mga opisyal sa Office of Civil Defense dinhi sa Central Visayas. (PIA Cebu/RMC)

No comments: