Tuesday, October 16, 2007

CPPO miabag sa da pagpakigbatok sa brontispa pest

Cebu City (October 9) -- Ang kapolisan sa probinsya sa Sugbo aktibo karon nga niabag sa DA sa kampanya batok sa peste sa lubi nga nailhan sa ngalan nga brontispa longgissima gestro,

Gibutyag sa hepe sa Cebu Provincial Police Office, Senior Superintendent Carmelo Valmoria nga ang kapolisan sa probinsiya, duha na ka semana nga nakigtambayayong sa Department of Agriculture sa pagpakgang sa posibleng pagdala dinhi sa Sugbo sa mga lubi nga adunay sakit nga mohatag og dakong kadaut sa kalubihan sa Sugbo.

Bisan pa man sa ilang mga checkpoints og higpit nga pagbantay sa mga pantalan, terminal og tugpahanan, si Valmoria, nihangyo gihapon sa katawhan sa pagtabang sa tinguha sa kagamhanan pagprotehir sa industriya sa lubi pinaagi sa pagreport sa ilang mahibaw-ang mi-smuggle sa mga infested nga lubi dinhi sa probinsya sa Sugbo.

Ang nailhang pesteng bakukang sa lubi nga gikan pa sa gawas sa nasod, nahibaw-ang nakaapekto na sa duol dos cientos mil ka punuan sa lubi nga nahimutang sa biente singko ka mga probinsya sa nasod. (PIA Cebu/RMC)

No comments: